İşçilər və icazələr: tez-tez verilən suallar

İşçi (kassir) hesabının açılması, işçi girişi və icazələrlə bağlı ən çox verilən suallar. İşçi sayı limitsizdir və hər işçi üçün əlavə ödəniş yoxdur. Addım-addım izah üçün İşçi əlavə etmə və icazələr məqaləsinə baxın.

İşçinin əlavə edilməsi və giriş

İşçi (kassir) hesabını necə açım?

İşçi üçün e-poçt lazım deyil. Hər işçiyə ayrıca kod və şifrə verin; ortaq hesabda hansı satışı kimin etdiyini ayırd etmək olmur.

İşçi necə daxil olur? Şirkət nömrəsi nədir, harada yazılır?

Şirkət nömrəsi «U» ilə başlayan, hesabınıza məxsus nömrədir. Veb paneldə Profilim səhifəsində, mobildə Menyu › Profil səhifəsində görünür.

Ətraflı: İşçi girişi və kassada işçinin dəyişdirilməsi.

İşçi daxil ola bilmir («qeydiyyatda olan işçi tapılmadı», şifrə səhvdir).

• İşçinin passiv olmadığını və kod / şifrənin düzgün yazıldığını yoxlayın. Lazım olsa, administrator hesabı ilə şifrəni yeniləyin.
• Veb və mobildə şirkət nömrəsinin düzgün olduğuna əmin olun. Filial hesabındakı işçi həmin filialın şirkət nömrəsi ilə daxil olur.
• İşçinin satış edə bilməsi üçün Satış edə bilər icazəsi açıq olmalıdır.

Kassada işçini necə dəyişmək olar?

Masaüstündə bir kompüterdə eyni anda yalnız bir sessiya açıq olur; administrator və işçi eyni kompüterdə eyni vaxtda açıq qala bilməz (administrator veb paneldən və ya mobildən izləyə bilər).

İşçinin şifrəsini necə dəyişim? İşçi şifrəsini unudub.

İşçi şifrəsi «Parolumu unutdum» ilə deyil, administrator tərəfindən İşçilər səhifəsində işçini redaktə etməklə dəyişdirilir. Yeni şifrəni yadda saxladıqdan sonra masaüstündə istifadə olunacaqsa, sinxronlaşdırmanın tamamlanmasını gözləyin.

İcazələr

İşçi hesabatları, dövriyyəni və ya mənfəəti görməsin.

İşçi kartındakı Hesabatlar tabında Gündəlik, Tarix aralığı, Məhsul və Qrup hesabatlarına baxış icazələrini söndürün. Hesabatı açıq saxlayıb yalnız öz satışlarını görməsini və ya mənfəət / qazancı görməməsini də ayrıca seçə bilərsiniz. Mənfəət görmə icazəsi olmayan işçidə ana səhifədəki mənfəət kartları gizlədilir.

İşçi alış qiymətlərini görməsin.

İşçi kartındakı Məhsullar icazələrində alış qiymətini görmə icazələrini söndürün; Satış tabındakı «Satış detalında vahid alış qiymətlərini görə bilər» icazəsini də yoxlayın. Administrator (əsas hesab) girişində alış qiymətlərini gizlətmək seçimi yoxdur.

İşçi satışda qiyməti dəyişə bilsin və ya dəyişə bilməsin.

Satış tabındakı Satış zamanı məhsul qiymətini əllə redaktə edə bilər icazəsi satış ekranında qiymət dəyişməni açır / bağlayır. Hansı qiymət növlərindən istifadə edə biləcəyini Qiymət 1-dən istifadə edə bilər / Qiymət 2-dən istifadə edə bilər icazələri müəyyən edir. İcazə bütün məhsullara aiddir; tək bir məhsul üçün ayrıca qiymət icazəsi vermək olmur.

İşçinin edə biləcəyi endirimi necə məhdudlaşdırım?

Satış tabında Çekə endirim tətbiq edə bilər və Məhsula endirim tətbiq edə bilər icazələrini açıb hər biri üçün Maksimum endirim (faiz və ya məbləğ) yazın. Limiti aşan endirimdə satış ekranı xəbərdarlıq verir. İcazəsi olmayan işçi endirim etməyə çalışdıqda «icazəniz yoxdur» xəbərdarlığı alır. Bax: Satışda endirim.

İşçi səbətdən məhsul silməsin, çeki ləğv edə bilməsin.

Satış tabındakı satışı redaktə və ləğv icazələrini söndürün (Bütün satışları / Yalnız öz satışlarını redaktə edə, ləğv edə bilər). Satış ekranında məhsul silməyin qarşısını almaq üçün işçi kartındakı Satış ekranında məhsul silə bilməz məhdudiyyətini aktiv edin. İşçinin çekdən məhsul silməsi, çeki silməsi və satış etmədən ekrandan çıxması həmçinin İşçi hərəkətləri hesabatına və veb paneldəki Bildirişlərə düşür.

İşçi qaytarma edə bilmir, qaytarma rejimi bağlıdır.

İşçi kartında Birbaşa qaytarma qəbul edə bilər icazəsini açın; işçi qaytarmanı özü qəbul edir. Bu icazə bağlıdırsa, işçi qaytarma əvəzinə qaytarma sorğusu yaradır və administrator təsdiqlədikdə qaytarma icra olunur. Bax: Qaytarma sorğuları.

İşçi yalnız öz satışlarını görsün.

Satış tabında «Yalnız öz satışlarını redaktə edə / ləğv edə bilər», Hesabatlar tabında isə hesabat üçün yalnız öz satışları seçimindən istifadə edin. Satışlar hansı işçi hesabı ilə edilibsə, həmin işçinin adı ilə qeydə alınır.

İşçiyə administrator icazəsi verdim, amma bəzi menyuları görə bilmir.

Hesab icazələri tabındakı administrator icazəsi işçiyə hesabın demək olar ki, hamısına çıxış verir; yenə də bəzi əməliyyatlar yalnız hesab sahibinin (əsas hesabın) girişində açıqdır: işçi əlavə etmə və icazələrin redaktəsi, Hərəkətlər səhifəsi, filiallar arasında keçid və s. Hesabatlarda digər işçiləri ayrı-ayrılıqda görmək də əsas hesab girişindədir. Administrator icazəsini yalnız etibar etdiyiniz şəxslərə verin.

İşçi müştəri siyahısını görsün, amma müştəri təfərrüatlarını (borc və s.) görməsin.

Müştərilər tabındakı icazələrlə müştəri əməliyyatlarını aça və bağlaya bilərsiniz. Nisyə satış üçün işçi müştəri seçə bilməlidir; işçiyə xüsusi müştəri bazası və ya yalnız siyahını göstərib təfərrüatı gizlətmək seçimi hazırda yoxdur.

İzləmə və digər

İşçinin satışlarını və növbəsini necə izləyim?

Ayrıca növbə bağlama və ya Z hesabatı funksiyası yoxdur. Hər satışda ani bildiriş göndərilmir; şübhəli əməliyyatlar (çekdən məhsul silmə, satış etmədən çıxma) veb paneldəki Bildirişlərdə və İşçi hərəkətləri hesabatında görünür.

Satışı səhv işçinin adına yadda saxladım. Dəyişə bilərəmmi?

Bəli. Satış detalında Redaktə et düyməsini basıb satışı edən işçini dəyişin. Toplu dəyişmə yoxdur; hər çek ayrıca redaktə olunur. Administrator kimi açıq kassada satışı əvvəldən bir işçinin adına yazmaq üçün satış ekranındakı işçi seçimindən istifadə edin (veb: qeyd / telefon / digər təfərrüatlar bölməsində İŞÇİ; masaüstü: Cihaz və seçimlər › ƏMƏLİYYAT TARİXİ VƏ İŞÇİ).

İşdən çıxan işçini silməliyəm?

Silmək əvəzinə passiv etməyi tövsiyə edirik: işçi daxil ola bilmir, amma keçmiş satışları hesabatlarda onun adı ilə görünməyə davam edir. Veb paneldə Hesab icazələri tabındakı Passiv et, masaüstündə İşçini arxivləşdir seçimindən istifadə edin. Silinmiş işçinin köhnə çeklərində satışı edən sahəsi boş görünə bilər. İşçiləri veb paneldən idarə etməyi tövsiyə edirik.

İşçi filial hesablarına keçə bilərmi?

Xeyr. Filiallar arasında keçid yalnız əsas hesab girişində edilir. İşçi bir neçə filialda işləyəcəksə, hər filialda ayrıca işçi hesabı açın; filial işçisi həmin filialın şirkət nömrəsi ilə daxil olur.

İşçiyə tapşırıq (açılış yoxlaması, kassa sayımı) təyin edə bilərəmmi?

Bəli. Veb paneldəki Tapşırıqların idarə edilməsi ilə təkrarlanan tapşırıqlar yaradıb işçiyə təyin edə bilərsiniz; işçi tapşırığı mobil tətbiqdən foto, məkan və qeydlə tamamlayır. Bax: Tapşırıqların idarə edilməsi.