Pul qutusu: quraşdırma və avtomatik açılma

Pul qutusu necə qoşulur?

• Çek printerinə qoşulub: Qutunun kabeli çek printerinin arxasındakı qutu girişinə taxılır (telefon fişinə oxşayan RJ11 girişi; əksər printerlərdə DK və ya Cash Drawer yazılır). Ən geniş yayılmış qoşulma budur. Printerin USB, şəbəkə və ya serial portla qoşulması fərq etmir.
• Kompüterə qoşulub (USB / COM): Qutu öz kabeli ilə birbaşa kompüterə taxılır. Sürücüsü quraşdırıldıqdan sonra Windows-da COM port kimi görünür.

Pul qutusunun ayarlanması

1. Ayar səhifəsini açın

   Ayarlar › Profil ayarlarınız səhifəsinin ən altındakı 1 Pul qutusu kartında 2 Pul qutusu ayarları düyməsini basın. Ayarlar yeni tabda açılır. Kartda qutunun hazırkı vəziyyəti də yazılır.

   12

2. Qoşulma növünü seçin

   1 QOŞULMA NÖVÜ siyahısından Çek printerinə qoşulub və ya Kompüterə qoşulub (USB / COM) seçin. İstifadə olunmur seçili olanda qutu heç açılmır və satış ekranında qutu düyməsi görünmür.

   

3. Printeri və ya portu seçin

   Çek printerinə qoşulubsa, 2 QUTUNUN QOŞULDUĞU PRİNTER siyahısından qutunun taxıldığı çek printerini seçin. Çekləriniz Windows-un standart printerindən çıxırsa, ilk seçim kifayətdir. Microsoft Print to PDF kimi virtual printerlər qutunu açmır; belə printer seçsəniz, aşağıda xəbərdarlıq çıxır.

   12345678

   Kompüterə qoşulubsa, 1 COM PORT siyahısından qutunun portunu seçin. 2 SÜRƏT (BAUD) əksər qutularda 9600 qalır. Port siyahıda yoxdursa, qutunun USB sürücüsünü quraşdırın, sonra ayar tabını bağlayıb yenidən açın. Qutunun hansı portda olduğunu Windows-da Cihaz meneceri › Portlar (COM və LPT) bölməsində görə bilərsiniz.

   12

4. Açma kodunu dəyişməyin

   3 AÇMA KODU standart olaraq 1B 70 00 19 FA-dır; demək olar ki, bütün çek printerləri və qutular bu kodla açılır. Qutunuz açılmırsa, onun təlimatındakı kodu yazın. Standarta qaytar ilk kodu bərpa edir.

5. Nə zaman açılacağını seçin

   4 ÖDƏNİŞ NÖVLƏRİ bölməsində qutunun hansı ödənişlərdən sonra açılacağını işarələyin. Nağd, POS, Nisyə və hesabınıza əlavə etdiyiniz digər ödəniş növləri (yemək kartı, bank köçürməsi və s.) burada görünür. Əksər bizneslər üçün yalnız Nağd kifayətdir. Hissəli ödənişdə hissələrdən biri seçilmiş ödəniş növü ilə ödənibsə, qutu açılır.

   5 ƏLAVƏ bölməsində:

   • Qaytarmada da aç: Qaytarılan pul qutudan veriləcəyi üçün standart olaraq açıqdır.
   • Müştəriyə ödəniş əlavə ediləndə də aç: Satış ekranındakı Müştəriyə ödəniş əlavə et ilə nisyə borcu ödənəndə qutu açılır.

   Hər ikisi yalnız yuxarıda seçilmiş ödəniş növlərində keçərlidir. Heç bir ödəniş növü seçilməzsə, qutu yalnız satış ekranındakı Qutunu aç düyməsi ilə açılır.

6. Yoxlayın və yadda saxlayın

   Yadda saxlamazdan əvvəl 6 Qutunu yoxla ilə qutunun açıldığını görün. Açıldısa, 8 Yadda saxla düyməsini basın. Bundan sonra seçdiyiniz ödənişlərlə edilən hər satışda qutu avtomatik açılır.

Satış ekranında qutunu əllə açmaq

Qalıq pul, xırda pul və ya kassa sayımı üçün qutunu satış etmədən aça bilərsiniz. Satış ekranının sağ yuxarısındakı Seçimlər düyməsini basın; açılan Cihaz və seçimlər siyahısının ən altındakı 1 PUL QUTUSU bölməsində Qutunu aç düyməsini basın. Düymənin altında qutunun necə qoşulduğu yazılır.

1

İşçi icazəsi

Admin qutunu həmişə əllə aça bilər. İşçinin Qutunu aç düyməsindən istifadə edə bilməsi üçün onun icazələrində Satış tabındakı Pul qutusunu aça bilər seçimini açın (veb paneldə İşçilər, masaüstü proqramda İşçilər › işçi detalları). Satışdan sonra avtomatik açılma üçün icazə lazım deyil.

Qutu açılmırsa

• Qutunu yoxla açma əmrinin göndərildiyini deyir, amma qutu açılmırsa, kabelin printerdəki qutu girişinə tam oturduğunu və düzgün printerin seçildiyini yoxlayın.
• Çek çap olunur, amma qutu açılmırsa, açma kodunu qutunun və ya printerin təlimatındakı kodla dəyişin.
• Qutu kilidlidirsə, açarla açıq vəziyyətə gətirin; kilidli qutu əmr gəlsə də açılmır.
• Kompüterə qoşulan qutuda port siyahıda yoxdursa, qutunun USB sürücüsünü quraşdırın.
• 7 Jurnalı göstər qutunun hər açılışını və xətalarını göstərir. Dəstək komandamıza yazanda bu qeydləri də göndərin.