Alınacaqlar və təchizatçıya sifariş

Alış fakturaları › Alınacaqlar səhifəsi satış sürətinə və kritik stoka baxıb hansı məhsuldan nə qədər almalı olduğunuzu təchizatçıya görə ayrılmış siyahı kimi göstərir. Siyahıdan bir düymə ilə sifariş verir, WhatsApp ilə təchizatçıya göndərirsiniz; mal gələndə sifarişi alış fakturasına köçürürsünüz. Təchizatçı daxil etməyən müəssisələr də siyahını topdançıya gedərkən alış-veriş siyahısı kimi istifadə edə bilər.

Siyahı necə hazırlanır?

Məhsul iki halda siyahıya düşür: stoku məhsul kartındakı kritik stoka enibsə və ya mövcud stoku seçdiyiniz müddət bitmədən qurtaracaqsa. Təklif olunan miqdar belə hesablanır:

gündəlik satış × "Nə qədər yetsin" müddəti + kritik stok − mövcud stok

Nümunə: gündə 3 ədəd satılan, kritik stoku 5, stoku 8 olan məhsulda "1 həftə" seçilibsə təklif 3 × 7 + 5 − 8 = 18 ədəddir. Yəni mal bir həftə yetəcək qədər olur, üstəlik kritik stok qədər ehtiyat qalır.

• Gündəlik satış seçdiyiniz son 14 / 28 / 56 günün satışlarından hesablanır. Sayım, stok düzəlişi və filial transferi kimi Qazanca təsir etməsin əməliyyatları satış sayılmır.
• Heç vaxt stok girişi edilməmiş, yalnız satılan məhsullar (məs. stoku izlənməyən paket, xidmət) siyahıya düşmür; sayı səhifənin altında yazılır.
• Təchizatçı məhsulun təchizatçı seçilərək daxil edilmiş son alış fakturasından tapılır. Tapılmayan məhsullar Təchizatçısı məlum deyil qrupunda qalır; təchizatçını siyahıdan özünüz təyin edə bilərsiniz.
• Siyahı hər filialda öz stoku ilə hazırlanır.

Alınacaqları görmək və sifariş vermək

1. Səhifəni açın və müddəti seçin

   Alış fakturaları › Alınacaqlar səhifəsini açın. 4 Nə qədər yetsin siyahısından malın neçə gün yetməsini istədiyinizi seçin (təchizatçınız həftədə bir gəlirsə 1 həftə). Satış sürəti ortalamanın neçə günlük satışdan götürüləcəyidir; əksər müəssisələr üçün son 28 gün uyğundur. Seçimləriniz hesabınızda yadda saxlanılır.

   12345678910

2. Təchizatçını seçin

   5 Soldakı siyahıda hər təchizatçının neçə məhsulu olduğu, neçəsinin bitdiyi və təxmini məbləğ yazılır. Təchizatçıya klikləyəndə sağda yalnız onun məhsulları açılır. Telefonda təchizatçı siyahının üstündəki açılan qutudan seçilir.

3. Məhsulları və miqdarları yoxlayın

   Hər sətirdə 6 stok, kritik stok, gündəlik və ya həftəlik satış və məhsulun neçə gündən sonra bitəcəyi yazılır. 7 Təklif olunan miqdarı dəyişə bilərsiniz. Almaq istəmədiyiniz məhsulun sətrinə toxunun, seçim götürülür; yenidən toxunanda seçilir.

4. Sifariş verin

   8 Sifariş ver düyməsini basın və göndərmə üsulunu seçin (aşağıda).

• 1 Alınacaqlar bölməsi bu siyahıdır; sifarişləriniz Verilən Sifarişlər bölməsində saxlanılır.
• 2 Bitən, 3 gün ərzində və Sifarişdə qutularına klikləyəndə siyahı yalnız həmin məhsullara süzülür; yenidən klikləyəndə süzgəc götürülür.
• 3 Məhsul adı və ya barkodla axtarın, məhsul qrupuna görə süzün (alt qruplar da daxildir).
• 9 ⋯ menyusunda siyahını sifariş yaratmadan çap etmək, kopyalamaq və seçilmiş məhsullara toplu təchizatçı təyin etmək var.
• 10 Sətirdəki düymə ilə məhsulun təchizatçısını seçin və ya dəyişin; məhsul həmin təchizatçının siyahısına keçir.

Sifarişi göndərmək

Sifariş ver düyməsini basanda açılan pəncərədə üç seçim var. Hansını seçsəniz də sifariş nömrələnib Verilən Sifarişlər bölməsinə yazılır.

123

• 1 WhatsApp ilə göndər: Sifariş siyahısı hazır mesaj kimi firma kartındakı mobil nömrəyə açılır; mesajı yoxlayıb özünüz göndərirsiniz. Firmanın nömrəsi yoxdursa, şəxsi WhatsApp-da özünüz seçirsiniz. Siyahı çox uzundursa panoya kopyalanır, mesaj sahəsinə yapışdırırsınız (Ctrl+V).
• 2 Çap et: Siyahı kağıza çap olunur; təchizatçıya verə və ya topdançıda qeyd edə bilərsiniz.
• 3 Sadəcə yadda saxla: Sifarişi telefonla və ya üzbəüz vermisinizsə.
• Səhvən vermisinizsə, altda çıxan Geri al düyməsini basın; sifariş silinir.

Sifarişdəki məhsullar siyahıda qalır, amma solğun görünür; altında Sifariş #3 · 2 gün əvvəl · 24 kimi yazı çıxır və sifarişdəki miqdar təklifdən çıxılır. Yazıya klikləyəndə sifariş açılır. Eyni məhsuldan yeni sifariş vermək istəyirsinizsə, sətrinə toxunun; təklif olunan miqdar avtomatik gəlir.

Verilən sifarişlər

Verilən Sifarişlər bölməsində bütün sifarişləriniz tarix, təchizatçı, məhsul sayı və məbləğlə siyahılanır.

123

• 1 Gözləyən, Gələnlər, Ləğv edilənlər və Hamısı ilə süzün. Gözləyən sifarişlərin sayı bölmənin yanında da yazılır.
• 2 Təchizatçıya görə süzün.
• 3 Sifarişə klikləyəndə təfərrüatı açılır.

Sifarişi dəyişmək, ləğv etmək və mal gələndə fakturaya köçürmək

12345

• 1 Gözləyən sifarişdə miqdarları dəyişə, ✕ ilə məhsulu sifarişdən çıxara bilərsiniz; sonra Dəyişiklikləri yadda saxla düyməsini basın. Bütün məhsulları çıxarsanız sifariş ləğv olunur.
• 2 Mal gələndə Mal gəldi: alış fakturası yarat düyməsini basın. Alış fakturası ekranı təchizatçı seçilmiş və məhsullar, miqdarlar, son alışdakı qiymət, endirim və ƏDV ilə dolu açılır. Gəlməyən məhsulu sətirdən silin, gələn miqdarları və qiymətləri yoxlayıb fakturanı yadda saxlayın. Sifariş avtomatik Gəldi olur; hansı faktura ilə bağlandığı və gələn miqdarlar sifarişdə görünür.
• 3 Sifarişi WhatsApp ilə yenidən göndərə və ya çap edə bilərsiniz.
• 4 Alış fakturası daxil etmirsinizsə, sifarişi Fakturasız gəldi ilə bağlayın.
• 5 Sifarişdən imtina etmisinizsə Ləğv et düyməsini basın (təsdiq üçün bir daha basılır). Gəlmiş və ya ləğv edilmiş sifarişi Gözləyir vəziyyətinə qaytar ilə yenidən aça bilərsiniz.

Bilməli olduqlarınız

• Siyahının düzgün işləməsi üçün məhsullarınıza kritik stok daxil etməyiniz və mal girişini alış fakturası ilə, təchizatçını seçərək etməyiniz tövsiyə olunur. Təchizatçınızı əvvəlcə Təchizatçılar səhifəsindən əlavə edin.
• Gündəlik kritik stok e-poçtundakı düymə bu səhifəni açır.
• İşçi bu səhifəni alış fakturalarını və ya stok hərəkəti hesabatını görmə icazəsi ilə görür; sifariş vermək və təchizatçı təyin etmək üçün alış fakturası əlavə etmə və ya məhsul redaktə icazəsi lazımdır.
• Sifariş vermək stoku dəyişmir; stok mal gələndə daxil etdiyiniz alış fakturası ilə artır.